SHARE

Kanceri i vezoreve është sëmundje e cila shfaq një numër simptomash – të cilat mund ta shpejtojnë trajtimin.

Sarah Greene – e cila e ka humbur nënën nga kjo sëmundje – tani mundohet ta rritë vetëdijesimin sa i përket simptomave të kësaj forme të kancerit.

Hulumtimet tregojnë se vetëm në Mbretërinë e Bashkuar 7300 gra diagnostikohen me kancer ovarial.

Problemi është se simptomat e këtij kanceri nuk janë të fshehta, megjithatë ngjasojnë me simptomat e shumë sëmundjeve tjera.

Prandaj është mirë që posa ta keni ndonjërën nga simptomat e kancerit të vezoreve të bëni një ultrazë apo një test gjaku.

Simptomat më të zakonshme të kancerit të vezoreve janë:

– Ndiheni vazhdimisht e fryrë

– Keni bark të ‘ënjtur’

– Nuk ndiheni rehat në zonën e pelvikut

– Ndiheni menjëherë e ngopur kur hani, ose keni humbje apetiti

– Keni nevojë të urinoni më shpesh se normalisht

– Humbje e padëshirueshme e peshës

Rreziku i këtij kanceri rritet me moshën, ku shumica e rasteve ndodhin pas menopauzës. Rreth tetë në dhjetë raste me këtë kancer diagnostikohen te gratë mbi moshën 50 vjet, edhe pse disa lloje të rralla të këtij kanceri mund të shfaqen edhe te vajzat e reja.

Rrezik shfaq edhe historia familjare me këtë sëmundje sepse mund ta keni trashëguar gjenin fajtor BRCA1 apo BRCA2.