SHARE

dd 09 full

Duke filluar nga janari i vitit 2019-të, të gjitha gratë shtatzëna në Shqipëri do të duhet të kryejnë testin e HIV-it në qendrat e shëndetit të gruas, për të parandaluar transmetimin e sëmundjes se tek foshnja, në rastet kur nëna është e infektuar. Edhe pse nuk është një detyrim ligjor kryerja e testit për HIV, gratë shtatzëna që do të refuzojnë ta kryejnë do të penalizohen nga përfitimi i raporteve 1-vjeçare që përcakton leja e lindjes. Testimet për HIV/AIDS po ashtu ofrohen falas për të gjithë. Vdekshmëria e lartë e personave me HIV mbetet një problem. Sipas të dhënave zyrtare të INSTAT-it  në 2018-ën janë regjistruar 20 vdekje nga 17 vdekje që ishin në 2017. Nuk kanë munguar edhe kalimi i virusit nga nëna te fëmija gjatë shtatzënisë. Ekspertët thonë se nëse kapet në kohë që nëna është e infektuar, futja në terapi do të bëjë të mundur lindjen e një fëmijë të shëndetshëm.